Грчките власти денеска издадоа предупредување во повеќе региони во земјата поради обилни врнежи и невреме со град.
Поради невремето денеска ќе бидат затворени училиштата на Парос, Миконос, Родос, Кос и Сими, пренесува Катимерини..
Силно невреме ги погоди Кикладите и Евија во понеделникот попладне, а предупредување беше издадено и за островите во источниот дел на Егејското Море, вклучувајќи ги Хиос, Самос и Икарија.
Градоначалникот на Парос Костас Бизас утрово за грчката телевизија ЕРТ рече дека најголемиот проблем на островот бил вчера од 15 до 19 часот и најпогоден е градот Науса, објасни дека од невремето околу 39 автомобили претрпеле штети, а штети има на патната мрежа, со што, како што истакна е опасна за сообраќај на возила.
Дополнително посочи дека досега немаат видено толку обилен дожд на островот, а нагласи дека за среќа немаше повредени граѓани.
Во текот на вчерашниот ден поради обилни врнежи од дожд на Парос и Миконос, Противпожарната служба на Грција примила вкупно 160 повици за помош, а интервенирале за 13 лица да бидат пренесени на безбедни места на Парос.
Противпожарните сили на Миконос, биле зајакнати со двајца пожарникари со едно возило кои пристигнале од островот Тинос и четворица пожарникари со две возила од Андрос, додека на Парос пристигнале шест пожарникари со три возила од соседниот остров Наксос.
31.03.2025#Greece
— Climate Review (@ClimateRe50366) March 31, 2025
A powerful #storm hit the Greek islands of #Paros and Mykonos, causing widespread #flooding and forcing authorities to close schools and ban all transport except emergency vehicles. Water washed away vehicles and flooded streets. Heavy #hail fell on #Syros. pic.twitter.com/FJS91eVoOD