Обилните врнежи од снег вечерва предизвикуваат проблеми во сообраќајот речиси низ цела Македонија.
Патниот правец Струга-Ќафасан е блокиран поради излетан камион.
Во прекин е и сообраќајот на магистралниот пат А2 Охрид- Ресен кај превојот Буково, соопштија вечерва од АМСМ.
Како што посочуваат, сообраќајот е во прекин поради случена сообраќајна незгода.
Од АМСМ известуват дека oд 20:05 часот е воведена забрана за сите видови возила на патниот правец Струга – граничен премин Ќафасан поради обилни врнежи од снег на коловозот.