Претседателката на Република Северна Македонија, Гордана Сиљановска-Давкова, потврди дека има свој кандидат за нов гувернер на Народната банка, но одлучи засега да не го открива името.
-Не го кажувам името прво пред новинари, се надевам дека не се лутите, но веќе мислам дека знам. Со право се создаде дебата и прашања, но сепак мислам дека е нешто што треба да се практикува за секоја функција – да седнете со сите кои се споменуваат и да разговарате.
Да ги прашате што мислат за другите или што мисли дека тој ќе направи, а не е направено…Уште повеќе би сакала да има повеќе кандидати, но, тоа не е можно секогаш, рече денеска шефицата на државата.
Иако официјалното име ќе биде објавено во среда, досега во јавноста се споменуваат три можни кандидати:
актуелната гувернерка Анита Ангеловска-Бежоска, поранешниот министер за финансии Зоран Ставрески и претседателот на Советот на Град Скопје, Трајко Славески.
Сиљановска-Давкова додаде дека покрај гувернерот, значајна улога ќе има и изборот на заменик-гувернерот.