Денес во 04.00 часот на улица „Дисанска“ во Кавадарци, полицијата од Кавадарци го лишиле од слобода 35-годишниот А.М. од село Глишиќ, кавадаречко.
„При сообраќајна контрола, сопрено е патничко возило „цитроен“ со кавадаречки регистарски ознаки,
кое го управувал и по преземени мерки констатирано е дека е под дејство на алкохол, односно измерени му се 3,05 промили алкохол во крвта“, информираат од полицијата.
А.М. е задржан во полициска станица, известен е јавен обвинител и по документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“.