Млад маж избоден со остар предмет во Радовиш, полицијата трага по напаѓачот
Дваесет и деветгодишниот П.Б. од Радовиш е повреден со остар предмет во инцидент што се случил зад угостителски објект во градот, соопшти Министерството за внатрешни работи.
Според информациите од МВР, непознато лице му нанело повреди на П.Б. и веднаш потоа го напуштило местото на настанот.
Инцидентот се случил околу полноќ, а повредениот бил итно пренесен и хоспитализиран во Здравствениот дом Радовиш.
Извршен е увид на местото на настанот, а полицијата презема мерки за целосно расчистување на случајот и идентификација на сторителот.