Силни земјотреси со јачина од 6,2 и 5,8 степени ја погодија Турција доцна синоќа.
Првиот земјотрес, со јачина од 6,2 степени според Рихтеровата скала, го погоди во близина на Додеканезите, по должината на турската граница во Средоземното Море.
Земјотресот се случил во 23:17 часот по локално време, на 18 километри од островот Родос, на длабочина од 68 километри, соопшти EMSC.
Часови подоцна, околу 2:17 часот наутро во вторник, земјотрес со јачина од 5,8 степени го погоди турскиот крајбрежен град Мармарис.
Гувернерот на Мармарис, Идрис Акбијик, изјави дека некои луѓе се повредени скокајќи од прозорци и балкони во паника, но немало поголеми штети на зградите, објави Асошиејтед Прес.
Турскиот министер за внатрешни работи Али Јерликаја, исто така, се огласи набрзо потоа.
„Сите наши тимови се на терен. Според првичните информации, нема уривање на станбени згради. Едно девојче (14) доживеало напад на паника за време на земјотресот. Таа била однесена во болница, но за жал починала. Во епицентарот на земјотресот, 69 лица скокнале од висина во паника, на сите им била укажана помош“, објави министерот на X.
Потресите биле почувствувани низ јужна Грција, западна Турција и крајбрежните области долж Егејското Море.