ВОНРЕДНО Силен земјотрес со јачина од 6,7 степени – еве каде е епицентарот
Земјотрес со магнитуда од 6,7 степени според Рихтеровата скала ги погоди руските Курилски Острови во Тихиот Океан денес, според Европско-медитеранскиот сеизмолошки центар.
Земјотресот се случил на околу 270 километри од Камчатка, а епицентарот бил на длабочина од 53 километри.
Во среда, на 30 јули, Камчатка беше погодена од најсилниот земјотрес од 1952 година, со магнитуда од 8,8 степени.
По земјотресот беше издадено предупредување за цунами за делови од Русија и низ Тихиот Океан, а жителите беа повикани да се оддалечат од брегот во областите со ризик.