Времето за претстојниот викенд ќе биде претежно сончево, но не и целосно стабилно.
Управата за хидрометеоролошки работи (УХМР) најавува услови за изолирана појава на пороен дожд и грмежи во попладневните часови.
Сепак, значителна промена и поголема дестабилизација на времето се очекува на почетокот на следната недела, кога ќе има услови и за локално невреме со град и засилен ветер.
За викендот (сабота и недела): Ќе преовладува сончево време со умерена облачност.
Во попладневните часови, главно во планинските предели, ќе има услови за краткотраен пороен дожд и грмежи.
Почеток на следната недела (понеделник и вторник):
Времето ќе биде променливо облачно и значително понестабилно. На повеќе места ќе има пороен дожд и грмежи.
Локално, процесите ќе бидат поинтензивни во форма на невреме, со можност за појава на град и засилен ветер.