Времето во Македонија денеска ќе биде променливо облачно со сончеви периоди. Попладне ќе има услови за изолирана појава на краткотраен дожд и ретки грмежи.
Ќе дува слаб до умерен ветер од јужен правец. Максималните дневни температури ќе се движат од 22 до 30 степени Целзиусови.
Во Скопје, променливо облачно со сончеви периоди. Ќе дува слаб до умерен јужен ветер, а максималната дневна температура ќе достигне до 30 степени Целзиусови.
Утре времето ќе биде променливо облачно, посвежо и нестабилно со локален пороен дожд и грмежи и дневни температури до 24 Целзиусови степени.
Наместа врнежите ќе бидат пообилни (над 20 l/m²). Ќе дува умерен до засилен ветер од југоисточен правец.