Деветнаесетгодишниот Ѓорѓе Јанковиќ од Крагуевац исчезнал на 19 октомври во раните утрински часови во населбата Бубањ.
Семејството ја алармирало јавноста откако тој не се вратил дома, а потрагата, во која биле вклучени бројни граѓани, траела со денови. За жал, денес потрагата заврши трагично – Ѓорѓе е пронајден мртов.
Неговото тело било најдено на околу 200 метри од крагуевачката Палата на правдата, во моментот кога започнувала нова заедничка потрага. Засега јавно не е потврден причината за смртта, а полицијата наредила итна истрага.
Слична судбина го снајде и 23-годишниот Страхиња Пантиќ од Шабац, студент на Филолошкиот факултет во Белград. Тој кон крајот на октомври отпатувал во главниот град за да полага испити и од тогаш му се губи секоја трага. Семејството и пријателите упатиле бројни апели преку социјалните мрежи, но и неговата потрага заврши трагично – Страхиња беше пронајден мртов пред неколку дена. Според неофицијални информации, нема елементи на кривично дело.
Трагедиите на Ѓорѓе Јанковиќ и Страхиња Пантиќ не смеат да останат само уште две црни хроники. Тие мора да бидат опомена да слушаме, да забележиме кога некој молчи, да прашаме „како си“ дури и кога сè изгледа во ред. Младите денес носат товар што често не умеат ни да го именуваат, а системската поддршка им е често далечна, речиси невидлива.