Сообраќајот на регионалниот пат Македонски Брод – Скопје е во целосен прекин од 08:40 часот утрово, соопшти Автомотосојузот на Македонија (АМСМ).
Како причина за затворањето на патниот правец е наведено појавување одрон на коловозот.
Надлежните служби се упатени на терен и работат на расчистување за што поскоро нормализирање на сообраќајот.
ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.