Поради обилните врнежи од дожд, одводниот канал кој минува низ село Спанчево се излеа од своето корито, создавајќи алармантна состојба и голема загриженост кај локалното население.
Како што може да се види на фотографиите од терен, нивото на водата е драстично покачено и го има преплавено околниот терен, делови од патот и мостовите.
Матната вода е опасно блиску до првите куќи во селото.
Мештаните апелираат за итна интервенција од надлежните служби за расчистување на наносите и спречување на поголеми поплави и материјални штети.