Вчера, околу 06 часот, пред Поликлиника „Ченто“ во Скопје бил пронајден починат маж на возраст од 44 години, информираат од Министерството за внатрешни работи.
Случајот во 07:00 часот бил пријавен во СВР Скопје од медицинскиот персонал на поликлиниката.
Лекар извршил преглед и констатирал смрт без видливи траги на насилство.
По наредба на јавен обвинител, телото на починатиот Е.Е. од Скопје е предадено за обдукција, со цел да се утврдат точните околности и причината за смртта.
Полицијата работи на целосно расчистување на случајот.