Жена на возраст од околу 75 години, со иницијали Љ.Ј., почина попладнево откако напладне беше прегазена на улицата „Народен фронт“ во скопската општина Центар, потврдија од Ургентниот центар каде што била пренесена по сообраќајната несреќа.
Според информациите, несреќата била пријавена околу 11:30 часот во СВР Скопје, кога патничко возило удрило во пешакот, по што возачот го напуштил местото на настанот.
Повредената била пренесена во Комплексот клиники „Мајка Тереза“, но неколку часа подоцна била констатирана смрт.
Министерството за внатрешни работи соопшти дека и понатаму се преземаат интензивни мерки за пронаоѓање на возачот и идентификација на возилото, а увидот и прибирањето траги на местото на несреќата продолжиле и во текот на денот.
Повеќе детали се очекуваат по завршување на постапките на терен.