Ко бев дете, а и тинејџерка, беше многу едноставно и се знаеше – си легнуваш, стануваш сабајле, погледнуваш низ прозорец и коа тоа – затрупало метар снег.
И фрка одма, се бараат чизми ракавици, капи по шкафови, викање по дома пошто ќе се касни на работа, во школо…
Без најави и очекувања ,,лелееее, утре снег”, пошто УХМР редовно појма немаа од ништо. Тапурии. Па и виц имаше за нив – ,,индијанците собирале дрва за зимото, УХМР ги гледале со денови и објавиле – ,мнооогу ладна зима ќе имаме’. И следниот ден индијанциве дупло поише дрва зеле да складираат, а УХМР со нова прогноза – сибирска зима ќе имаме”.
Што е ова денес, бе
Бизниси се тераат од глупости – ,,утре малку ветер, поише дожд, снег во планина (пошто не знаеме дека паѓа во планина), снегче малку може во Скопје, а може и не”.
И нормално – ни снег, ни бутур.
И оние европски сајтови тапа се одамна со прогнози за Скопје.
Дај, бе, не тупете више со претпоставки за 1 милиметар снег! Месец дена ве слушаме, па уште и ,,не е конечно, можно е да се смени нешто за 24 часа”.
Остајте го на раат облакот да сврти над Македонија и да нé затрупа, без да гњавите дека ,,петок накај понеделник снегот ќе падне во среда”.