Продолжуваат поплавите кои ја погодија Македонија поради обилниот дожд кој наврна изминатиот период.
Вчера Црна Река повторно се излеа во демирхисарските села, претходно беше излезана во селата Бараково и Граиште, а сега се зафатени и други села.
На социјалните мрежи се појави видео од излеаната и надојдена река.
„Денеска Црна Река повторно се излеваше, а состојбата со поплавените површини воопшто не е подобрена. Напротив, стотици хектари земјоделско земјиште во атарите на селата Бараково, Вардино, Граиште, Единаковци и Света и понатаму се под вода.
Ова значи продолжување на штетите, дополнително уништување на посевите и уште поголема неизвесност за земјоделците кои живеат од својот труд.“ – стои во објавата.