Поради голем одрон на регионалниот пат меѓу Берово и Струмица, сообраќајот на оваа делница се одвива отежнато, информираат надлежните служби.
Одронот зафатил дел од коловозот, што претставува потенцијален ризик за безбедноста на учесниците во сообраќајот.
На терен се ангажирани екипи кои работат на расчистување на насобраниот материјал и на обезбедување на патниот правец, како и на проценка на стабилноста на теренот.
Надлежните апелираат до возачите да се движат со зголемено внимание, да ја прилагодат брзината на условите на патот и по можност да користат алтернативни правци сè додека состојбата целосно не се нормализира.