Тешка сообраќајна несреќа се случила утрово на железнички премин во селото Вапа, во близина на Чачак, кога воз удрил во товарно комбе.
Според очевидци, возот што сообраќал на линијата Чачак–Краљево го удрил комбето и го оттурнал во канал покрај пругата. Возилото било речиси целосно уништено, а возачот бил извлечен од остатоците од страна на екипата на Итната помош.
Од Општата болница во Чачак соопштиле дека бил донесен 42-годишен маж без свест, пулс и дишење, кој подоцна им подлегнал на повредите.
Несреќата се случила на обележан железнички премин, а точните причини ќе бидат утврдени по завршувањето на истрагата. На местото на настанот излегле полицијата и надлежните служби од железницата, додека железничкиот сообраќај на оваа делница бил привремено прекинат.
Стручњаците предупредуваат дека железничките премини се меѓу најризичните точки во сообраќајот и апелираат возачите да бидат особено внимателни, да ја почитуваат сигнализацијата и секогаш да се уверат дека не доаѓа воз пред да ја преминат пругата.