Двајца 14-годишници од кичевското подрачје се здобија со повреди откако вчера попладне излетаа со четирицикл на локалниот пат меѓу селата Зајас и Теќе маало.
Инцидентот се случил околу 16:30 часот, кога возачот од с. Горно Строгомиште, управувајќи четирицикл со кичевски регистарски ознаки, изгубил контрола и излетал од коловозот.
Повредените тинејџери, возачот и неговиот сопатник од с. Зајас, биле пренесени за преглед и укажување на медицинска помош во Медицинскиот центар Кичево,
а потоа дополнително хоспитализирани во Комплексот клиники „Мајка Тереза“ во Скопје.