Австралиската водителка Мел Шилинг, позната по шоуто „Брак на прва“, почина на 54-годишна возраст само неколку недели откако откри дека ракот ѝ се проширил на мозокот.
„Си замина опкружена со најблиските. Кога помислив дека ракот комплетно ѝ ја одзеде способноста да зборува, таа ме привлече поблиску и ми шепна нешто што ќе ме одржува до крајот на животот“, напиша сопругот.
Шилинг стана ТВ-ѕвезда на 42 години. Беше исклучително успешна во тоа што го работи, но и грижлива мајка.
На 12 март на Инстаграм објави дека има терминален рак откако во декември 2023 година ѝ беше дијагностициран рак на дебелото црево.
