Педесетгодишен албански бизнисмен бил смртно застрелан пред својот дом во селото Берџуле, во близина на Тирана, а истражителите се сомневаат дека станува збор за внимателно испланирана ликвидација.
Според информациите од албанските медиуми, жртвата е Едмонд Сула, познат и како Али Сула, кој се занимавал со купопродажба на недвижности.
Првичната истрага покажува дека напаѓачот испукал само еден куршум од поголема далечина, кој бил кобен за бизнисменот, по што избегал од местото на настанот.
Полицијата работи на утврдување на мотивот за убиството, а како една од главните насоки во истрагата се разгледуваат можни спорови поврзани со неговите деловни активности и имотни прашања.
Надлежните продолжуваат со потрагата по сторителот и преземаат мерки за целосно расчистување на случајот.