Православната црква го чествува Свети Атанасиј Атонски, великанот кој не само што го основаше првиот голем манастир на Света Гора, туку ја постави и темелната структура на монашкото живеење каков што го познаваме денес.
Животот како небесна лекција
Роден во Трапезант, Атанасиј уште како дете покажал дека е „роден за духовно старешинство“. Додека неговите врсници во игра избирале цареви и војводи, него го избирале за – игумен. Овој детски избор бил вистинско претскажување.
По школувањето во Цариград, тој ја заменил светската слава со пустинското безмолвие, за на крајот, водејќи се од Божјата промисла, да ја изгради Великата Лавра на Атос. Неговиот живот бил борба – со демоните, со искушенијата, но и со карпите, кои се покорувале пред неговата кроткост.
Свети Атанасиј имал чудесна средба со Пресвета Богородица, која му ветила дека таа ќе биде „Игуменија“ (управителка) на Света Гора. Затоа, до ден денес, на Света Гора се смета дека нема поголема власт од Богородица, а сите манастири се само нејзини домови.
На што е заштитник?
Свети Атанасиј Атонски се смета за заштитник на монасите и на сите оние кои бараат духовно водство.
Верниците му се молат за надминување на секојдневните препреки, за мудрост во одлуките особено за оние кои раководат со луѓе или проекти, за заштита од несреќи.
Што да направите утре за благодат?
Според народните преданија денот на светецот треба да се помине во мир и молитва:
Запалете свеќа и помолете се за спокој во домот. Бидејќи Свети Атанасиј бил татко на сиромашните; помогнете некому кому му е потребна помош.
А најважно што треба да направите утре е да го прекадите домот со темјан, што симболизира чистење на духовниот простор.
Овој ден е за помирување. Расправиите го нарушуваат благословот на празникот.
Светителот Атанасиј бил човек на голема работа; затоа не е добро денот да се помине во целосна досада или мрзеливост, туку во исполнување на чесни обврски.
И како што светецот ги победувал сите искушенија со кроткост, така и вие обидете се утре да не одговарате на провокациите.
Нека е честит празникот! Нека неговото смирение биде патоказ за мир во вашите домови!