Добра вест за дел од пензионерите во земјава. Шпаркасе банка соопшти дека јулските пензии ќе бидат достапни на сметките на нејзините клиенти во петок, на 31 јули 2026 година.
Тоа значи дека пензионерите кои ја примаат пензијата преку оваа банка ќе можат да располагаат со средствата пред почетокот на август.
„Ве информираме дека пензиите за месец јули ќе бидат достапни на вашите платежни сметки на 31 јули 2026 година“, се наведува во известувањето на банката.
Корисниците на дебитни картички ќе можат да ги користат средствата за плаќање во продавници, за онлајн плаќања или да подигнат готовина од банкоматите.
Засега, јавно известување за исплата на јулските пензии на 31 јули е објавено од Шпаркасе банка. Останатите банки сè уште немаат објавено официјални информации за точниот датум на исплата.
Пензионерите се советуваат да ги следат известувањата од банката преку која ја примаат пензијата, бидејќи датумот кога средствата ќе бидат ставени на располагање може да се разликува.