Тешко злосторство денеска го потресе Велико Градиште. Службеник на граничната полиција, Б.К., наводно ги убил својот зет и својата 19-годишна внука, по што си го одзел животот со пиштол.
Тој пукал и во својата сестра и нејзината свекрва. Лекарите во моментов се борат за нивните животи. Како што пишуваат српските медиуми, злосторството прва го открила една млада жена која минувала во близина.
Според српските медиуми, најнапред избувнала семејна расправија околу имотни прашања. Злосторството се случило во куќа лоцирана на слепа улица во Велико Градиште. Полицаецот Б.К. пукал во својот зет кој бил пожарникар и во својата 19-годишна внука, при што и двајцата починале на самото место. Потоа, Б.К. извршил самоубиство. Тој пукал и во својата сестра и во мајката на зетот.
Млада жена, на возраст од околу 18 години, која често вози велосипед по таа улица, забележала жена како лежи неподвижно на земјата пред една куќа, облеана во крв, и веднаш се упатила кај своите родители за да им каже што видела.
На местото на настанот, полицијата пронашла три тела и две повредени жени – сестрата на напаѓачот и свекрвата на неговата сестра.
Екипи на итната медицинска помош и полицијата во моментов се на терен.