Нестабилна облачна маса зафати делови од западна и југозападна Македонија, каде во моментов има врнежи од дожд, повремено проследени со ретки грмежи и засилен ветер.
Според мапата објавена од УХМР, облачната маса се движи од запад кон исток, поради што нестабилноста во текот на денот може да зафати и други делови од земјата.
Во погодените подрачја се можни локално поинтензивни врнежи, грмежи и засилен ветер, а временските услови може нагло да се менуваат.
Граѓаните во регионите каде што се движи нестабилната облачност се советуваат да бидат внимателни, особено при престој на отворено и при патување.
Следете ги најновите информации и предупредувања од УХМР, нестабилноста продолжува да се шири кон источните и југоисточните делови од земјата.
