МАНЧЕСТЕР ЈУНАЈТЕД доживеа тежок пораз на „Олд Трафорд“, каде што Борнмут славеше со убедливи 3:0 во рамките на осмото коло од Премиер лигата. Резултатот дополнително ја влошува ситуацијата за Јунајтед, кој има исклучително лош почеток на сезоната. Статистиката покажува дека станува збор за еден од најслабите почетоци во историјата на клубот.
Манчестер Јунајтед освои само седум бода во првите осум првенствени натпревари, со една победа, четири нерешени средби и три порази. Ова е најслабиот бодовен учинок на клубот во оваа фаза од сезоната уште од сезоната 1986/1987, кога по осум кола имаше само четири бода.
Постои и уште еден податок што ги илустрира проблемите на клубот. Од сезоната 2023/2024, ниту еден тим од Премиер лигата нема претрпено повеќе домашни порази со три или повеќе голови разлика во сите натпреварувања од Манчестер Јунајтед, кој забележал дури седум такви порази.
Англиските медиуми пишуваат дека ова би можело да биде крај на тренерската авантура на Мајкл Керик на клупата на Манчестер Јунајтед.