Мицкоски со прва изјава за претепувањето на младата девојка во Охрид – еве што порача

Ова мое денешно обраќање требаше да биде на сосема поинаква тема, да зборуваме за содржината на состаноците кои што ги имавме денес овде, за борбата која што ја водиме за Македонија во Белгија, Брисел.

Но, за жал до мене стигна ужасната вест која што ги потресе oхриѓани, но и генерално граѓаните на Македонија, за инцидентот и претепувањето на младата девојка, рече премиерот Христијан Мицкоски.

Ја користам оваа прилика да изразам жалење и жестоко да го осудам дивјаштвото кое што се случува.

А, воедно како човек, како родител, како татко, како брат и сопруг сакам да изразам поддршка до семејството на девојката и да ветам дека се ќе сториме како институција и јас како претседател на Владата лицето кое што го сторило овој ужасен напад да биде изведено пред лицето на правдата, рече Мицкоски.