Според денешните најнови метео анализи кои ги направивме за претстојното лето, укажуваат на тоа дека нема да имаме лето како што доликува, со вистински летни горештини, стабилно време и чести топлотни бранови, како што беше на пример минатото лето, вели Славчо Попоски во најновата метео анализа.
Оваа година месеците јуни, јули и август ќе поминат во знакот на МНОГУ НЕСТАБИЛНО време, како и со чести врнежи и грмежи, а постои опасност и од локални ПОПЛАВИ.
Температурите ќе бидат околу, или под просекот за летниот период, односно не очекува посвежо лето.
Поплави освен кај нас во Македонија, можни се и во целиот регион, а временските непогоди кои се очекуваат би можело да направат и поголеми штети.
Ова лето постојано територијата на Македонија, како и на целиот Балкански Полуостров ќе бидат под влијание на циклонски активности, како и на влажни и нестабилни воздушни маси.
Граѓаните да се навикнат на честите временски непогоди, како и на секојдневниот дожд.
Температурите ова лето ќе бидат далеку пониски за разлика од изминатото лето, а за првиот голем топлотен Африкански бран ќе се изначекаме. Истиот го нема во најава и во јуни месец.