Денеска во Охрид, на 85-годишна возраст, почина Гласот на Охрид, легендарната спикерка и радио водителка Леонора Чекреџи, објави попладнево Охрид прес.
Таа беше најпрепознатливиот глас во Охрид, кој му даваше боја и убавина на радиото.
– Има нешто посебно во магијата на радиото, во можноста да раскажеш приказна, да пренесеш емоција, да создадеш нов свет и да допреш до луѓето само преку звук, кажа во последното интервју кое го даде за Супер радио и OhridPress во мај минатата година.
Важеше за исклучителен професионалеc, борец за чистиот македонски јазик и неговата употреба, особено во медиумите.
Погребот ќе се одржи утре, на Градските гробишта во Охрид, од 13:30 часот.
Извор: Охрид прес
