Според информациите од Меѓународниот совет за житарки, се очекува глобалното производство на дурум во 2023/2024 година да да биде на најниско ниво во последните 22 години.
Цените на различните видови тестенини наскоро ќе поскапат за 20 отсто. Потрошувачите ќе мора да си копаат подлабоко во џебот доколку сакаат да купат тестенини, а причината е овогодинешната слаба жетва на дурум пченица.
Имено, дурум пченица се користи во производството на тестенини. Низ Европа цената на дурум пченицата се зголеми до 20 отсто за краток временски период и ќе продолжи да расте, пренесува Agrarheute.com, портал специјализиран за состојбата на пазарот на храна, пренесува Fenix Magazine.
Според информациите од Меѓународниот совет за житарки, се очекува глобалното производство на дурум во 2023/2024 година да да биде на најниско ниво во последните 22 години.
Ова последователно ќе ги поттикне акциите на ново ниско ниво во последните три децении. Причината за поскапувањето е лошата реколта предизвикана од сушата во Канада, најголемиот извозник на дурум пченица и лошите временски услови во Европа.
Според компанијата за истражување на пазарот Нилсен, малопродажните цени на тестенините како што се фусили, шпагети и пени се зголемиле за околу дванаесет проценти во Европа и за осум проценти во САД. Се очекуваат дополнителни поскапувања.
Во Болоња, Италија, тон тврда пченица чини 412 евра, што одговара на 70 евра или 20 отсто повеќе отколку во јули.
Во Ла Палис, Франција, тон тврда пченица моментално се наплаќа по 415 евра, што е зголемување на цената за 55 евра во однос на месец јули.
Пословни.хр