„КАМ“ е прогласен за најпосакуван работодавач во категоријата маркети на првите награди за најдобри работодавачи во организација на веб-страницата за пребарување работни места Vrabotuvanje.com.
Наградите беа доделени врз основа на три критериуми – број на посети на огласите и објавите на „Вработување“, покажаниот интерес од страна на апликантите и јавно истражување спроведено од организаторот.
– Сите признанија ни се драги, но особено сме благодарни за оваа награда, бидејќи се однесува на сегмент што нам како компанија ни е особено битен, а тоа се вработените и нивното задоволство.
Воедно, ова е и поттик да продолжиме со унапредување на условите и грижата за вработените. „КАМ“ е едно големо семејство и секој член во него е важен, и тие што се долги години со нас, и оние што допрва ќе ни се придружат – велат од „КАМ“.
КАМ маркет, најпосакуваниот работодавач во категоријата маркети за изминатата година, значително го зголемува регресот за годишен одмор, кој годинава ќе изнесува 37.600 денари.
Со новото зголемување, регресот е за 14% повисок од исплатениот регрес за минатата година, а 175% повисок од законски утврдениот минимален регрес.
Покрај зголемувањето на регресот за годишен одмор, кој повеќе години наназад е повисок од просечна плата, КАМ најавува и дополнително проширување на листата на бенефиции.
Покрај овозможениот платен превоз и топол оброк за вработените во логистичкиот центар, новини се: обезбеден бесплатен превоз за вработените во маркетите со место на живеење над 5 км од работното место, како и колективно осигурување за сите вработени.
„Луѓето се највредниот капитал на секоја компанија, а ние во КАМ сме свесни за тоа. Токму затоа продолжуваме да ги подобруваме условите за работа и да им овозможиме придобивки поради кои ќе бидат задоволни, а со тоа и попродуктивни.
Тоа е и наша обврска – да го оправдаме епитетот „најпосакуван работадавач во категоријата маркети“. Дека сме на вистинскиот пат зборува и податокот дека речиси 20% од вработените во КАМ станале дел од нашето големо семејство благодарение на акцијата „Доведи пријател“.
Во рамките на оваа акција сегашните вработени добиваат паричен надомест доколку препорачаат лице што потоа ќе стане дел од нашиот тим“, велат од КАМ.