Според најновите информации на УХМР, денеска ќе биде студено, понекаде и особено во источните делови ќе провејува слаб снег.
Од пладневните часови во поголемиот дел од земјата ќе биде сончево со мала до умерена облачност.
Ќе дува умерен, а вдолж Повардарието и во источните делови силен ветер од северозападен правец (над 70 км/час).
Во Скопје претпладне променливо облачно, студено и ветровито, а попладне со сончеви периоди.
Ќе дува умерен до засилен ветер од северозападен правец, особено изразен на повисоко и во источните делови од регионот, велат од УХМР.