Познатиот далматински музичар, мултиинструменталист, професор Иво Бркиќ загина во тешка сообраќајна несреќа на автопатот А1, во месноста Тромиље. Иво Бркиќ дипломирал и магистрирал на Музичката академија во Сараево.
До несреќата дошло кога на раскрсницата со патот за Шкабрња свртел лево и му го одзел правото со првенство на минување на автомобил со задарски регистарски таблички управуван од 42-годишен маж.
Двајцата возачи со возило на Итна медицинска помош се пренесени во Задарската општа болница, каде Бркиќ починал од повредите, додека 42-годишникот се здобил со полесни повреди.
Како што пренесува „Шибенски“, професорот Иво Бркиќ е роден во Тузла (БиХ), а на јавноста и стана познат откако докторираше во 2020 година, на 74-годишна возраст, на Катедрата за музичка уметност на Уметничката академија на Универзитет во Сплит.
Ја промовираше народната и националната култура, која продолжува да го обликува културниот идентитет на луѓето и местата.
