Мајката и сестрата на пејачката Мараја Кери, Патриша и Алисон, починаа во ист ден за време на викендот.
„Срцето ми е скршено затоа што викендов ја изгубив мајка ми. За жал, мојата сестра го загуби животот истиот ден“, изјави Кери вчера, а пренесе Би-би-си.
Кери не ја откри причината за смртта на двете жени.
Мајката на Кери, Патриша (87) беше поранешна оперска пејачка со ирско-американско потекло.
Во своите мемоари од 2020 година, „Значењето на Мараја Кери“ („The Meaning of Mariah Carey“), Кери напиша дека имала комплициран однос со мајка ѝ, но постојано изјавуваше дека ѝ е благодарана што ја вклучила во музиката.
Во своите мемоари, Мараја Кери напиша и дека се дистанцирала од сестра ѝ Алисон и брат ѝ Морган, наведувајќи дека „емотивно и физички е побезбедно да нема никаков контакт со нив“.
Сестра ѝ Алисон ја тужеше по објавувањето на мемоарите, барајќи 1,2 милиони долари, велејќи дека тоа ѝ предизвикало „емоционална болка“.