Немања Ш. (18) загина рано утринава во сообраќајна несреќа на стариот пат Нови Сад – Инџија кога се судрил со автобус полн со патници.
Техничкото училиште „Михајло Пупин“ во Инџија, каде што учело настраданото момче се прости од него на социјалните мрежи.
-Со големо жалење соопштуваме дека во сообраќајна несреќа што се случи рано утрово на патот Инџија – Нови Сад животот го загуби ученик на Техничкото училиште „Михајло Пупин“ Н.Ш (18).
Во моментов е во тек истрага од страна на полициската управа Инџија и веруваме дека наскоро ќе имаме повеќе информации – стои на веб-страницата на училиштето.
Во тешка сообраќајна несреќа на патот меѓу Нови Сад и Инџија во која утрово се повредени 36 лица, Н.Ш. (18) од село Банстол во Општинската заедница Марадик, како што дознава „Блиц“ управувал автомобил кој удрил во автобус полн со патници.
Тој имал пробна возачка дозвола и се движел во правец кон Инџија.
– Тоа не беше насилно возење. Не знам точно што се случи. Сè се случи додека се разминувавме. Одеднаш видовме автомобил како преминува во нашата лента. Возачот се обиде да го избегне, нагло сврте надесно но не успеа да избегне директен судир со, како што подоцна дознавме, момчето кое управувало со автомобилот – изјави за „Блиц“ еден од патниците во автобусот.
