Професорката по математика и математички методи при Универзитетот „Гоце Делчев“- Штип, Тајана Атанасова Пачемска со трогателна објава за трагичната загуба на македонскиот научник Васко Саздовски кој е еден од 14-те жртви во несреќата во Нови Сад.
– Со неверување и молк ја примив веста за трагичното заминување на колегата д-р Васко Саздовски по несреќата во Нови Сад- брилијантен ум, извонреден човек, неуморен истражувач, иноватор, нескротлив темперамент…
Ми беше чест што бев дел од Рецензентската комисија за негов избор на доцент на Електротехничкиот факултет при УГД и што го имавме меѓу нас.
Нека ти е светол патот кон бесконечноста Васко! Почивај во мир! Длабоко сочувство до семејството!, напиша таа.