Готвачот кој учествуваше во кулинарската емисија на „Канал 5“ сега се соочува со сериозна здравствена борба, дијагностициран му е рак, а истовремено страда и од пневмонија.
Антонио Јанковски се обрати на социјалните мрежи, повикувајќи ги граѓаните за помош.
„Ова е резултатот кога канцерот и пневмонијата ќе се спојат, само коските остануваат. Во овие месец дена скоро повторно загубив килажа од што само ме шетаат од еден до друг доктор.
Секој со свое мислење, а јас пропаѓам, веќе едвај дишам додека некој одлучи што со мене. Ако сте во можност, замолувам за некоја мала донација, зашто утрово отиде сè она што малку имав, а немам ни како да завршам сè што треба, па тоа е тоа.
Ќе трпам додека оди, немам друг избор освен да молам вака со надеж дека ќе има хумани луѓе. Благодарам“, напиша тој на Фејсбук профилот.
Ова е сметката на која можете да донирате.
Стопанска Банка
200004050431223
Јанковски пред неколку години проговори за ракот и за својата тешка животна приказна. Тогаш кажа дека по разделбата со сопругата, забележал израсток на телото, а подоцна ја добил страшната дијагноза.