Славчо Попоски утрово објави дека на планинскиот превој Стража има врнежи од снег.
„Почитувани, внимавајте доколку патувате кон планинскиот превој Стража, во моментов има обилни врнежи од снег кои формираат снежна покривка, а снегот се задржува и на коловозот!“, напиша Попоски на Фејсбук.
Времето денеска ќе биде променливо облачно, во југозападните делови со врнежи од дожд, а на планините и на некои повисоки места од снег.
Ќе дува умерен, долж Повардарието засилен северен ветер.
Минималната температура ќе биде во интервал од 0 до 6, а максималната ќе достигне од 6 до 11 Целзиусови степени.
Во Скопје ќе биде претежно облачно со умерен северен ветер. Кон крајот на денот облачноста ќе се намали.
Минималната температура ќе се спушти до 2, а максималната ќе достигне до 9 степени.