Седумдесет и петгодишна жена се здобила со тешки телесни повреди, откако во неа удрило возило „даеву ланос“ управувано од нејзин сограѓанин.
– На 07.12.2024 околу 19.00 часот во СВР Куманово, било пријавено дека на крстосница од ул.„11-ти Октомври“ и ул.„Србо Томовиќ“ во Куманово,
патничко возило „даеву ланос“ со кумановски регистарски ознаки, управувано од Ч.К.(57) удрило во Д.Р.(75), двајцата од Куманово, информираат од Министерството за внатрешни работи.
Во несреќата, како што појаснуваат од полицијата, со тешки телесни повреди се здобила Д.Р., констатирани во Општата болница Куманово.
Извршен бил увид од увидна екипа од СВР Куманово.