Според последните информации убиецот Ацо Мартиновиќ е се уште во бегство, а во потрагата се вклучува и армијата.
Полицијата трага по осомничениот убиец Ацо Мартиновиќ, за кој велат дека најверојатно е вооружен и опасен.
Надлежните ги повикуваат граѓаните да не излегуваат од своите домови.
Да потсетиме, Ацо Мартиновиќ уби десет лица во масакрот во Цетиње, меѓу кои и две деца на возраст од 10 и 13 години.
„По вербална расправија со луѓето со кои го поминал цел ден, Мартиновиќ влегол во конфликт со друго лице. Потоа отишол дома, земал оружје, се вратил и го извршил делото.
После тоа се оддалечил, а познато е дека убиствата ги извршил на три различни локации“, изјави директорот на црногорската полиција.
Полицискиот директор изјави и дека ова е втора трагедија што го погодува Цетиње во последните три години. Тој потврди дека меѓу загинатите има и две деца, додека четири лица се повредени.
Според полицијата, осомничениот бил облечен во темна облека и црна јакна.