Рано утринава се случи тешка сообраќајна несреќа во Нови Винодолски, Хрватска, во која загинаа две лица.
Индекс пренесува дека локалната полиција известува дека несреќата се случила на Јадранската магистрала.
Се наведува дека засега единствената информација е дека се судриле две возила, при што две лица загинале на лице место.
Како што неофицијално дознава порталот Тунера, се судриле комбе и автомобил.
Судирот се случил на рамна делница од Јадранската магистрала во близина на хотелскиот комплекс на западниот влез во Нови Винодолски.
Се наведува дека во тек е полициска истрага која ја води дежурниот заменик државен обвинител.
Од ХАК наведуваат дека поради несреќата сообраќајот се одвива по една коловозна лента, наизменично.
Откако ќе заврши истрагата, треба да се знаат деталите за несреќата, како и кој загинал.