Тешка сообраќајна несреќа се случила вечерва на скопската обиколница.
Околу 20.20 ч. во СВР Скопје е пријавено дека на обиколница Скопје, клучка Бутел кај Смилковско езеро кон Арачиново, се случила сообраќајна незгода во која учествувале 3 патнички возила, товарно возило и паркиран автобус, соопштија од МВР за Прес24.
Од незгодата со повреди се здобиле 3 учесници кои се пренесени во скопските клиники.
Сообраќајот се пренасочува од клучка Радишани кон Куманово.
За време на несреќата имало и многу густа магла.
На терен се екипи на полицијата, брза помош и влечни возила.