Премиерот Христијан Мицкоски вели дека веќе ја има работната верзија од предлогот за ограничување на маржите.
Одговарајќи на новинарско прашање рече дека очекува драматично намалување на цените на производите кои граѓаните навистина ги користат.
-Договоривме да во најскоро време се излезе со предлог. Денеска се сретнавме, пред да дојдам во Кавадарци, бев во Собрание, имаше пратенички прашања, нели според новиот Деловник опозицијата прашува, ние одговараме.
Се сретнавме со министерот, предлогот го имам веќе во работна верзија. Во текот на денот ќе се усогласува и очекувам на итна седница во текот на утрешниот ден истиот да биде донесен и да биде спроведен од страна на супермаркетите.
Маржата малопродажна и големопродажна се ограничува, едната на 10% и другата на 10% и очекувам тука да има драматично намалување на цените на оние производи кои вистински ги користат граѓаните, рече Мицкоски.
Вели дека листата е проширена со производи за хигиена и бебешка храна.
Мерката е планирано да трае до 30 април, а за евентуално нејзино продолжување дополнително ќе се одлучува.