Пејачката Јасна Бошњаковиќ почина синоќа на 11 февруари на 48-годишна возраст, оставајќи зад себе малолетен син.
Имено, Јасна се прослави со учеството на музичкиот натпревар Никогаш не е доцна, а поради нејзината тажна приказна плачеше речиси цел регион.
Пораснала без родителите кои ги изгубила во тинејџерските денови и чувствувала тага додека не родила дете.
Но, и тој пат не бил лесен, со оглед на тоа дека десет години се борела за потомство.
– Верувам дека кога имаш силни соништа и желби, тие ќе се остварат. Десет години се трудев и се борев да имам дете и секогаш верував дека ќе го родам тоа дете. Така беше и за ова шоу, многу сакав да се појавам и желбата ми се оствари – изјавила поранешната натпреварувачка, пренесува Телеграф.
Јасна боледуваше од рак на крајниците, а иако беше оперирана летово, неодамна нејзината состојба нагло се влоши.