Метео анализа на Славчо Попоски:
Територијата на нашата Република Македонија во следните 24 часа ќе се наоѓа под периферно влијание на ладен бран кој е со потекло од север и од североисток.
Во ваква ситуација, кај нас во нашата Македонија, и тоа особено во Повардариете и во источните предели ќе дува засилен, повремено силен ветер од северен и од северозападен правец.
Повремено и локално ветерот во овие предели ќе достигнува брзина од над 70 км/час.
И во Скопскиот регион во следните 24 часа повремено ќе дува засилен ветер од северен правец (повремено во делови од колтината и со брзина до околу, па и над 60 км/час).
Апелирам, поради очекуваниот силен ветер, граѓаните да бидат повнимателни,и да избегнуваат да ги ставаат своите возила во близина на дрвјата.