Во страшна сообраќајка во Церовац кај Шабац загинал возачот на шлепер М.Д.(57), а полицијата која е на лице место ги утврдува причините за несреќата.
– Камионот бил натоварен со чакал и се уште не е утврдено зошто излетал од патот и се превртел.
„Имаше страшен тресок кога удри во дрво, а возачот најверојатно во тој момент испадна од кабината и неговото безживотно тело беше пронајдено покрај патот“, изјави нашиот извор.
Делови од камионот биле расфрлени на коловозот, а од силината на ударот пукнал резервоарот на камионот.
Пожарникарите и спасувачите интервенирале и го спречиле истекувањето на нафтата и со тоа спречиле трагедија од поголеми размери.
– Кога камионот се преврте, се крена голем облак прашина и по неколку минути стана јасно што се случило. За жал возачот на камионот починал на лице место. Повреден е и пешак. Камионџијата најверојатно остро извртел за да го избегне пешакот “, изјави очевидец на несреќата.
Извор и фото: Телеграф.рс