Времето денеска во утринските часови ќе биде ведро и посвежо, а преку ден ќе имаме сончево време со мала до умерена локална облачност.
Ќе дува слаб до умерен ветер од североисточен правец.
Температурите ќе бидат во интервал од 2 до 25 Целзисуови степени, информираат од УХМР.
Во Скопје времето ќе биде сончево со слаб до умерен ветер од североисточен правец. Температурите ќе бидат во интервал од 6 до 25 степени.
Како што посочуваат од УХМР, следува период на сончево и потопло време со мала до умерена облачност и со умерен северен ветер.
Во вторник и во среда утринските температури ќе бидат пониски, а дневните ќе бидат во постепен пораст.