Филмскиот режисер Џејмс Фоли почина на 71-годишна возраст по долгогодишна борба со тумор на мозокот. Режисерот, најпознат по режирањето на продолженијата „Педесет нијанси сиво: Педесет нијанси потемно“ и „Педесет нијанси послободно“, како и „Која е таа девојка“, во кој глуми Мадона, се бореше со болеста со години.
Во четврток, неговиот публицист потврди за „Холивуд репортер“ дека Фоли починал мирно во сон претходно оваа недела по долгогодишна борба.
Официјалната причина за смртта сè уште не е потврдена.
Покрај неговата филмска работа, Фоли соработуваше и со кралицата на поп-музиката Мадона на музички видеа за песните „Live to Tell“, „Papa Don’t Preach“ и „True Blue“, користејќи го псевдонимот Питер Перчер.
Тој беше и кум на нејзината свадба со сега веќе поранешниот сопруг Шон Пен во 1985 година.
Откако дипломирал на Универзитетот во Њујорк, а потоа на Универзитетот во Јужна Калифорнија во Лос Анџелес, Џејмс Фоли успеал да ја започне својата кариера благодарение на случајна средба.
Неговото режисерско деби било во 1984 година со филмот „Reckless“, а откако ја започна соработката со Мадона, тој склучи втор филмски проект во 1986 година.
Тој исто така режирал епизоди од „Твин Пикс“, „Ханибал“ и „Куќа од карти“, а други негови заслуги се „Стравот и комората“.