Судот денеска донесе пресуда со која Љупчо Палевски, Велибор Манев, Боре Видевски и Влатко Кешишев се осудени на казна доживотен затвор за грабнување и убиство на 14-годишната Вања Ѓорчевска.
Случајот ја потресе јавноста предизвика бројни реакции поради бруталноста на делото и околностите под кои исчезна и беше пронајдена убиената тинејџерка.
Судот на денешното рочиште утврди дека обвинетите биле организирани и свесни за своите дејствија, а злосторството било сторено со предумисла.
Истовремено, судскиот совет ги ослободи сите четворица обвинети од вина во делото за грабнување и убиство на Панче Жежовски.
Според образложението, обвинителството не доставило доволно докази кои недвосмислено би ја потврдиле нивната вина за второто кривично дело.
Од обвинение е ослободен и Александар Ѓорчевски, татко на Вања, кој претходно беше опфатен во истрагата. Судот заклучи дека нема елементи кои укажуваат на негова вмешаност или соучесништво во злосторството.