На 27-ми јуни 2025 година, во 19:30 часот, на регионалниот пат Струга-Дебар, кај струшкото село Велешта, се случила сообраќајна несреќа во која се повредени пет лица.
– Несреќата се случила помеѓу патничко возило марка „Мерцедес“ со струшки регистарски ознаки, управувано од страна на 23-годишниот Ф.Е. од селото Подгорци, струшко и патничко возило „Мерцедес“ со албански национални ознаки, управувано од 31-годишниот И.П. од Република Албанија.
Во несреќата со тешки телесни повреди се здобила 18-годишната сопатничка Е.С. од селото Лабуништа, струшко, од возилото со струшки регистарски ознаки.
Со телесни повреди се здобиле И.П. и неговиот сопатник, 29-годишниот Ј.И. од Албанија од возилото со албански национални ознаки, а исто така со телесни повреди се здобиле и две малолетни сопатнички од возилото со струшки регистарски ознаки.
Повредите се констатирани во Медицинскиот центар Струга и Специјалната болница за ортопедија и трауматологија „Св. Еразмо“ во Охрид.
Извршен бил увид од увидна екипа од ОВР Струга, информираат од СВР Охрид.